طريق الامير سلطان

[سجوان]

رحل الأمير سلطان بن عبدالعزيز رجل العطاء
ولم يصلح احداً الطريق المسمى بإسمه في بلدتنا
وبعد ان سمعنا وعرفنا عنه رحمه الله اشياء
كثيره كان يفعلها ولا يرضى حتى ان يتكلم بها احد , لم نعلم عنها حتى توفي وبدأ الكل يتحدث عن
سلطان وأفعاله اللتي لا نعرف منها إلا القليل ,
فليتنا نطالب بتوسعة الطريق وتجميله بطريقة أو بأخرى , على الاقل لكي يكون طريقاً يليق
بإسم سلطان الخير .

(مناشده لكل من لديه القدره على الوصول إلى المسؤلين)

[مرقب الهلالية]

احسنت (سجوان) ونحن نناشد معك سرعة انها الطريق

[الحاسة السادسة]

.

ما ضاقت إلا وفرجت .

وكما قال الشاعر ولما ضاقت وأشتدت وأحكمت حلقاتها فرجت بعد أن ظننتُها أنها لن تُفرجُ ...

وقال آخر ... ولما ضاقت قلت لها إشتدي حتى تفرجُ .

أمثال ما قالوها أهل زمان من فراغ .

[ساهر ابوفلاش]

رددو مطولك ياليل
*

[النجم]

اتوقع مافيه ايه صعوبه على ارض الواقع
لان المعوقات كلها بيتين واحد منها على اربع شوارع ايل للسقوط
عاد تصور جمال بلدتنا ياسجون لو يتوسع طريق سلطان ويرصف ويضاء بالاناره
ستزدان جمال الهلالية اضعاف

ياليت قومي يعلمون

[سجوان]

فعلاً ما فيه اي صعوبة ابداً ولاكن ما فيه تعاون وحرص على المصلحه العامه فانت ذكرت انها كلها بيتين وانا اقول كلها اربع بيوت البيوت اللي بالطرف تحت اللي وانت داخل للديره على يمينك يزال جزء منه ويقبلون بالتثمين وخلاص واللي على يسارك يزال بالكامل ويوسع الشارع وربما جزء منه يوضع به شلال او اي منظر جمالي لمدخل البلد اما البيوت اللي فوق اللي صدق وانت تمشي يجي بوجهك جدار انا ودي لو اني ما اعرف الديره وادخله في يوم من الايام ويجي بوجهي الجدار ما ادري وش راح يصير لي !!! ؟؟؟ لاكن برضو له حل وهو ان البيت الاول فيه قبله بيت قديم شعبي ممكن راعي البيت اذا ما يقدر يستغني عن حوشه ممكن ينسق مع صاحب البيت الشعبي ممكن يبيعه له بقيمه كويسه فياخذ التثمين ويشتري البيت الشعبي اللي جنبه من جهة الشرق ويسويه حوش لبيته اما البيت الثاني فخلفه بيت قديم اللي هو بينه وبين الخزان فبرضه بقيمة التثمين يشتريه ويوسع فيه بيته وبكذا يكون وسع للمسلمين وكل الناس تبي تدعي له وتشكره وصلى الله وبارك

اتمنى ان كل من يعرف اصحاب البيوت يوصل لهم الفكره ممكن تعجبهم وتنحل المشكله برضه ممكن رئيس المركز تعرض عليه الفكره ويستدعيهم او يكلمهم ويعرضه عليهم وان شاء الله تزين الامور