صارحن

[احلاهم واتحداهم]

صارحن يا صاحبي والعلم ويـش
عن مواري هالمـزون المقبـلات
صوح بالي هايمن فيـه الحنيـش
جاعل النيبـان حولـي ساطيـات
من فحيحه سوا بالراس الهريـش
يرعش الهامه يلـوج السارحـات
حرشف بجلده على كوم الحشيش
كالـذواري بالخبايـط مقرشـات
ما بقا في قاصي البيـدا عريـش
ما بها غيـر السحالـي تايهـات
الحيا منـدور والقيعـه هشيـش
وامسى بالوديان مقلـول النبـات
والمراغه كنهـا مدهـال جيـش
كالكنـاور بالحـمـاده داهــلات
عوشقن وامكوبع بخرقه وخيـش
والجراذي فـي عروقـه لاعبـات
ما بقى في قاصيات الـدو ريـش
ما بها غيـر الحيايـا سارحـات
بانت خطاها على السهله نقيـش
داهلاتـن بالسوافـي هايـمـات
في رجا الله تطلب الرزق وتعيـش
كافـل الضبـان باوقـات البيـات
عرق الارطا في مدا الرمله عطيش
وين عشبن والغصون مسنبـلات
وين ذاك الزين بالروضه فريـش
وين زملوق الزهـور الفايحـات
وين لون الطيف باسباب الرشيش
يوم قوسـه كالطيـور الحايمـات
وين نسمات النفل تنعـش نعيـش
لاغشاه الطـل صبـح الباكـرات
في مدا المرباع كنه حوض عيش
بالصحاصيـح السهـول مربعـات
راحت ايامن لها عنـدي قريـش
باقياتن فـي سـروح الذكريـات