سرهيد جانا الليل

[احلاهم واتحداهم]

سرهيد جانا الليل والكيف مـا دار
مدري عـلام انفوسنـا مستحيـره
انا ادري ان البال لاويـه باصـرار
من ضيقتـه دلا يـزود تعصيـره
بين الحنايا يمشـي منشـار نجـار
ينـوش معلـوق الفـؤاد بنشيـره
على وفاة اللي تقافـا عـن الـدار
سلمان بن فـوزان راح بمسيـره
بين النصايب ما تمسّيـه الانظـار
عليه من بطحـا النشيفـه زبيـره
ما زاد من عمره ولو ربع مقـدار
مقسـوم والقبّـار شفنـا حفيـره
عليه مـوق العيـن بالخـد نثّـار
هذي طبيعـه مـا عليهـا معيـره
راح الرفيق من الشغاميم الاخيـار
في منتدى مكشات من كـل ديـره
ما له حساس ولا وجـودن وديّـار
في مظلماتن ربـي اللـي خبيـره
حدر الثرى فوقه مشاجير واغبـار
وانفاسنـا لجلـه تزايـد زفـيـره
سبايبـه نوجـس بالاكبـاد مـزّار
يودع تريف البال فـوق الحصيـره
حقيقه ان الولـف بالنـاس عـزّار
حين الفراق يصير ناشف غديـره
كما الغصون اللي عثت فيها الامطار
جاها الضما بالصيف وامست كسيره
تسفي عليها الريح واغبارها ثـار
تشوف من فوق السوافـي ذريـره
حياتنـا كالقـاع لاجـاه مـبـذار
يمضي زمان وينصـرم بالدهيـره
نرجي عساه يحال عن واهج النـار
في عالي الفردوس يلقـى بشيـره
عسى يكون بسيحتن فيها الانهـار
واقصور والحور الكواعـب كثيـره


:eh_s(21):احلاهم واتحداهم:eh_s(21):