الى متى؟؟؟؟؟؟؟

[عاشق الهلاليه]

السلام عليكم ورحمه الله وبركاته ...

اخواني واخواتي الاعضااء....

بدون مقدمات....>معصب:D

فيه شي ورافع ضغطي الى متى نادي الهلاليه بدون ملعب رسمي وبعدين

ليش كل لاعبين الهلاليه للدرجه الاولى من الرياض يااخذون ميزانيه النادي

بدون اي فائده لاكؤوس ولاشي وشذنب الالعاب الثانيه ؟ وبعدين ترى اغلب

اللي يشتغلون بالنادي مثل الاداريين مااياخذوون شي من النادي بعدين

النادي محتاج ترميم وصيانه يااخي راس ماله طلب الى رعايه الشباب

وعلطول يصلحون النادي النادي محتاج الى رئيس جديد ومتحمس وفاضي
:rolleyes:
الرئيس ماقصر بس خلاص ماورا ماشاء الله اكثر من ثلاثين سنه :eek: تخيلو ان 150000على الاعبين اللي من الرياض هذا غير الملعب المستاجر لهم في الرياض.؟

انا والله ماتكلمت ولاقلت شي الا علشان خايف على:q1 (11): نادي:q1 (11): الهلاليه:q1 (11):

بالتوفيق لنادينا في جميع العابه:q1 (11)::q1 (11)::eh_s(21):سؤالي هو هل يعجبكم الشي هذا يااولاد ويابنات الديره؟؟؟؟

الله الله بالردود:D:D:eh_s(21):

[ديرتي وافتخر]

شف يا صديقي

مسألت ترميم النادي " والله ما تشوفها دام الجار مضايقك ويعطل كل خطاب ترسله "

وإذا خلصنا من ترميم النادي بينهالون عليك الخلق إذا حسوا إنه مهتم فيهم النادي



وللمعلوميه " النادي الي أسسه الأهالي "

[عاشق الهلاليه]

الف شكررر لك ياصديقي على تفاعلك ....

ربك يسهل يارجال........

تحياتي.,,,,,,

[هواي الهلاليه]

تبون النادي يصعد ويصير مثل باقي الانديه ادعموه ماديا ومعنويا موب شاطرين بالنقد وبس

[عاشق الهلاليه]

:q1 (11):اخوي هواي الهلاليه:q1 (11)::: انا ماتكلمت ولاقلت هالكلام الا من حبي للنادي بعدين ليش تكلمت عشان ابي اللي يقدر يدعم النادي يدعم واللي مايقدر عاد الشكولله بعدين اللي يبيدعم النادي وشيضمنله ان الفلوس تدخل النادي ماتروح لشي ثاني,,والعاقل يفهم,,انت تعال للنادي وشف الوضع ان اعجبك الوضع فانك ماتحب لا النادي ولا الهلاليه,,,وان مااعجبك الوضع انت ادعمه وسو اللي عليك موب جيد بي بس بالكلام الفاضي ,,مع تقديري واحترامي,,,:q1 (11):

[هواي الهلاليه]

انت لو كنت تحب النادي مثل ماتقول كان ما شككت باأمانـــة الأداره والاعضاء اللي أساسأ مامشى الفريق من بعد الله الا بدعمهم وبعدين وش قاعد تقول انت وش يضمنلك يروحن للنادي مايروحن لشي ثاني يعني وين بيحطونهن بجيوبهم ؟؟؟ياأخــي اتــــــــــــق اللــــــــه (ان بعض الظن أثم)
وقدام ياأبـــــــــو محمد وحنا وراك والقلب داعيلك

[عاشق الهلاليه]

اقوول الله يجزاك خير ....اول شي انا ماشككت بالاداره ولكن هذا اللي صاير الوليد كم عطا النادي وعطاهم باص واخر شي يبيعون الباص والدراهم علمهن عند الله...

وتقوووووولي ابو محمد ..ابومحمد والنعم فيه ماقلت شي بس الناس هي اللي تقول

وانا اتمنى ان ابو محمد يطلع ويتكلم عشان يبين الوضع موب رئيس نادي مايجي

للنادي الا بالشهر مررره يااخي تعال شف النادي وشمحتاج والا خل غيرك يااخذ

الفرصه...موب غصب ترى تصيرر رئيس النادي ومدير المستوصف....والا قضو رجال

الهلاليه... اتمنى منك يااخوي تجاوبن,,,,,,,,مع كامل احترامي وتقديري...,

[هواي الهلاليه]

مالهم حق بالعشر ملايين اللي عطاهم المفروض جابو لك كاكا ورنالدو((هالقرشين يالله تسد احتياجات النادي))
وش رايك يرابط بالنادي عشان ترضى <<<الشهاده لله أكثر من مره اللي أمر عند النادي وأشوف سيارته هناك<<<<طيب مسألة خل غيرك يأخذها((وش رايك من تبي؟؟؟ >>حدد بالأسماء<<<


>>>>>> موب غصب ترى تصيرر رئيس النادي ومدير المستوصف>>>>>
خخخخخخخخخخخ كركركركركر ههههههههههه عاد لاتطلــــــــع اللي بقلبك كله وأنا أخوك
وأنا لي مع أبــــــــــــــو محمــــــــــــــــد أكثر من عشر سنين وواللــــــــــــــــه لو بأيدي منصب ثالث لأعطيه أياه

....والا قضو رجال الهلاليه...
ونعم وسبع أنعام برجال الهلاليه عساهم ذخر لها ولنا والله يجزاهم ألف خير ويكتب لهم اجر مافعلوه للهلاليه وأبناءها بميزان حسناتهم والله يجمعنا ووالدينا وياهم بجنات النعيم

.... وجـــــــــهة نظـــــــر لا أكثر.....

[عاشق الهلاليه]

تبقى وجهه نظر يااخوي الغالي.. واحترمها كل الاحترام....

لكن مثل ماقلتلك لو مااحب هالنادي كان ماقلت هالكلام انا والله من اكثر المعجبين

بابومحمد ولاكن ليش نظلم ابو محمد ابومحمد تعب ولازم يرتاح...لاتحسبن قلت

هالكلام على اني اكره ابومحمد ...لا والله العظيم اني اعتبره بمكانه ابوي...

بس انا مجرد اني اوصل كلام غيري,,,,,تحياتي لك اخوي الغالي,,,

[شموخ إنسان]

النادي أخوي ينقصه الدعم المالي ..
والفلوس اللي تجي من الإتحاد السعودي مو ذيك الميزانيه ( ناهيك عن مسألة تأخرها ) ..
يعطيك العافية على حماستك لـ النادي ..
والله يقدم اللي فيه الخير ..

[عاشق الهلاليه]

والله يااخوي انا معك ان الميزانيه ماتكفي ,,

الف شكر لك يالغالي,,,,

تحياتي,,,,

[عاشق الهلاليه]

اتمنى ان لايفهم كلامي غلط فانا لم اتكلم عن نفسي انا يوجهلي الكلام هذا دايما فالصراحه لااجد رد عليهم .. فقلت يمكن لاتكلمت اجد من يرد عليهم ولكن تفاجأت انهم يردون علي يحسبونن انه انا اللي اقول هالشي هذا.. مجرد اني حبيت ابين الحقيقه

يمكن انا ماقدرت اعبر ولكن الله يعلم اللي بالقلوب...اتمنى من الجميع فهمي..

تقبلوو تحياتي .,